Eins og flestir vita er Paul Pogba án félags í dag eftir að hafa yfirgefið lið Juventus á Ítalíu.

Pogba er 31 árs gamall og er frjáls ferða sinna en hann má byrja að spila aftur í mars eftir að hafa tekið út bann fyrir steranotkun.

Ryan Babel, fyrrum leikmaður Liverpool og hollenska landsliðsins, telur að Pogba ætti að horfa á lið eins og Fulham sem mögulegan áfangastað.

,,Já ég er sannfærður um að Paul Pogba sé góður fengur fyrir lið í ensku úrvalsdeildinni,“ sagði Babel sem spilaði eitt sinn með Fulham.

,,Spurningin er bara hvaða lið. Ég held að hann geti skilað sínu fyrir lið eins og Fulham þar sem pressan er ekki eins mikil og hjá Manchester United.“

,,Ég er ekki að segja að hann geti ekki höndlað pressuna heldur að það verði of mikil pressa sett á hann. Hann yrði alltaf í sviðsljósinu ef hann semur við topplið.“