Á árinu sem er að líða fóru fram 6.396 leikir á vegum KSÍ og hafa þeir aldrei verið fleiri (4.371 í karlaflokkum og 2.025 í kvennaflokkum). Um er að ræða verulega aukningu milli ára eins og sjá má á töflunni hér að neðan, sem sýnir þróun síðustu fimm ára.

Ár Fjöldi leikja
2024 6.396
2023 6.080
2022 5.578
2021 5.319
2020 4.864

KSÍ skipuleggur knattspyrnumót allan ársins hring, þó meginþorri leikjanna fari fram yfir sumartímann. Við leikina í töflunni hér að ofan bætast leikir í Reykjavíkurmótum og Faxaflóamótum, sem eru leikin frá hausti og fram á vor, og þar er einnig um að ræða aukningu. Fjölgun leikja þýðir auðvitað aukinn kostnað og fjölgun verkefna í niðurröðun leikja og dómara og öðrum afleiddum verkefnum hjá KSÍ, og ekki síður hjá félögunum sjálfum.