Rayan Ait-Nouri vinstri bakvörður Wolves er ofarlega á óskalista Manchester United en vitað er að Ruben Amorim vill styrkja þá stöðu.
Luke Shaw er að koma til baka eftir meiðsli en Amorim er með það í forgangi að sækja sér vinstri bakvörð.
Amorim notar væng-bakvörð í kerfinu sínu og Ait-Nouri þekkir þá stöðu vel.
Fleiri menn eru á blaði United en félagið hefur áhuga á að sækja Alphonso Davies frítt frá FC Bayern.
Búist er við að Amorim reyni að sækja sér vinstri bakvörð strax í janúar ef United á peninga til að fara í slík viðskipti.
