Ben Jacobs virtur blaðamaður á Englandi segir eitt félag leiða kapphlaupið um Mohamed Salah leikmann Liverpool ef ekkert fer að gerast.
Ummæli Salah um helgina hafa vakið mikla athygli, hann sagði frá því að Liverpool hefði ekki sagt eitt orð við sig um nýjan samning.
Jacobs segir að Al-Hilal í Sádí Arabíu sé líklegasti áfangastaður Salah ef ekkert fer að gerast.
Al Hilal vill semja við Salah og fá hann með á HM félagsliða í Bandaríkjunum næsta sumar.
„Ég hef verið hérna lengi, það er ekkert félag eins og þetta. Það er ekkert boð á mínu borði um að framlengja,“ segir Salah um málið.
„Þegar allt kemur til alls þá er þetta ekki í mínum höndum.“
„Ég er meira fyrir utan þetta, ég ef ekki fengið neitt tilboð. Við erum að komast inn í desember og ég hef ekki fengið tilboð um að vera áfram hjá félaginu.“
