Birkir Eydal semur við Vestra en hann er fyrsti leikmaðurinn sem félagið fær í vetur.

Margir hafa farið frá Vestra síðustu vikur en Birkir lék með Herði í neðri deildum en liðið er staðsett á Ísafirði.

„Það gleður okkur að tilkynna ykkur það að Birkir Eydal hefur skrifað undir samning við uppeldisfélagið. Birkir er 24 ára og hefur undanfarin ár verið einn besti leikmaður Harðar á sumrin en stundað nám erlendis á veturna. Hann hefur einnig keppt með blakliði Vestra og er fjölhæfur leikmaður sem getur leyst margar stöður á vellinum. Birkir mun því hefja tímabilið með knattspyrnuliði Vestra og hjálpa okkur í deild þeirra bestu næsta sumar,“ segir á vef Vestra.