Það eru einhverjir sem muna eftir manni að nafni Marnick Vermijl sem var á mála hjá Manchester United á sínum tíma.

Vermijl var efnilegur leikmaður á sínum yngri árum og spilaði einn leik fyrir Manchester United undir stjórn Sir Alex Ferguson.

Árið 2015 samdi bakvörðurinn vil Sheffield Wednesday og lék síðar fyrir Preston og Scunthorpe á Englandi.

Eftir það fór leikmaðurinn til Hollands og samdi við MVV í næst efstu deild Hollands og lék þar í tvö ár.

Vermijl ákvað svo að segja skilið við atvinnumannabolta og skrifaði undir samning við Thes sem var þá í fjórðu efstu deild Belgíu og hefur verið þar undanfarin fjögur ár.

Ekki nóg með það að vera í hlutavinnu sem fótboltamaður er þessi 32 ára gamli maður að vinna fyrir póstinn.

,,Ég var kominn með nóg af því að vera atvinnumaður. Að finna ánægjuna á ný var stórt fyrir mig,“ sagði Vermijl við Niewsblad í heimalandinu, Belgíu.

,,Í vinnunni hjá póstinum þá þarf ég að vakna klukkan fjögur en er kominn heim um hádegi til keyra börnin heim úr skólanum. Það er lúxuslífið.“