Cole Palmer, stórstjarna Chelsea, hefur lofað því að bjóða goðsögn félagsins í mat næst þegar hann skorar beint úr aukaspyrnu.

Goðsögnin er Gianfranco Zola sem hefur nú lagt skóna á hilluna en hann er enn mikill aðdáandi liðsins.

Palmer viðurkenndi það fyrr í vetur að hann væri ekki alveg viss um hver Zola væri en að hann væri merkilegur í tölvuleiknum EA Sports FC sem hét áður FIFA.

Palmer er ansi öruggur í sínum spyrnum en á nóg inni að sögn Zola sem vill sjá Englendinginn leggja sig allan fram á æfingasvæðinu.

,,Hann þarf að æfa sig meira. Hann lofaði mér því að hann myndi gera nákvæmlega það,“ sagði Zola.

,,Hann sagði einnig við mig að hann myndi bjóða mér í kvöldmat ef hann skorar úr aukaspyrnu eftir að hafa æft sig.“