Benoný Breki Andrésson er á leið til Englands og mun þar semja við lið í C-deildinni.
Þetta fullyrðir Kristján Óli Sigurðsson í Þungavigtinni sem er einn vinsælasti hlaðvarpsþáttur landsins.
Kristján segir Benoný vera á leið til Stockport County sem komst í C-deildina á síðustu leiktíð.
Þrír aðrir Íslendingar eru í C-deildinni eða League One eða þeir Alfons Sampsted, Willum Þór Willumsson og Jón Daði Böðvarsson.
Benoný bætti markametið í Bestu deild karla í sumar en hann var stórkostlegur í fremstu víglínu KR.
