Alisson, Diogo Jota og Trent Alexander-Arnold hafa allir glímt við meiðsli en óvíst er hvort þeir verði leikfærir fyrir næstu leiki.
Liverpool er á leið inn í skemmtilega viku en liðið mætir Southampton um helgina en svo taka við stórleikir gegn Real Madrid og Manchester City.
„Við verðum að bíða og sjá hvað gerist með þá,“ sagði Arne Slot.
„Þeir verða að komast í gang á æfingum með liðinu eftir að hafa verið að æfa einir, þetta er erfitt að segja.“
„Ég á ekki von á því að Alisson og Jota geti spilað þessa leiki en Trent er möguleiki.“
Slot situr á toppi ensku úrvalsdeildarinanr með Liverpool en hann hefur gert frábæra hluti á fyrstu mánuðum sínum í starfi.
