Ljóst er að meiðsli Orra Steins Óskarssonar munu halda honum frá vellinum um helgina en óvíst er hvort það verði meira en það.
Orri Steinn fór meiddur af velli í 4-1 tapi gegn Wales með íslenska landsliðinu. Orri fór af velli eftir 25 mínútna leik.
Nú hefur verið staðfest að Orri missir af leik Real Sociedad um helgina þegar liðið heimsækir Athletic Bilbao.
Orri var keyptur til Sociedad í sumar frá FCK en spænska félagið reif fram 3 milljarða til að krækja í Orra.
Orri hefur farið ágætlega af stað á Spáni og skorað þrjú mörk en hann hefur verið hjá félaginu í tæpa þrjá mánuði.
