Viktor Gyokores er óstöðvandi í dag en hann er leikmaður Sporting Lisbon og á óskalista margra stórliða.
Gyokores er eftirsóttur af liðum á Englandi og er þá sterklega orðaður við Manchester United.
Ástæðan er Ruben Amorim sem tók við United á dögunum en þeir höfðu unnið saman hjá Sporting fyrir brottför þess fyrrnefnda.
Gyokores er að raða inn mörkum þessa dagana og skoraði fernu í gær er Svíþjóð vann Azerbaijan 6-0.
Gyokores hefði hæglega getað skorað fimmu í leiknum en Alexander Isak steig á vítapunktinn í stöðunni 3-0 og klikkaði.
Svíþjóð vann sinn riðil í C deildinni nokkuð þægilega en liðið tapaði ekki leik og vann þá fimm af sex.
