Wolves 2 – 2 Crystal Palace
0-1 Trevoh Chalobah(’60)
1-1 Jorgen Strand Larsen(’67)
2-1 Joao Gomes(’72)
2-2 Marc Guehi(’77)
Seinni hálfleikurinn í lokaleik dagsins í ensku úrvalsdeildinni var frábær skemmtun en spilað var á Molineaux vellinum.
Crystal Palace heimsótti Wolves að þessu sinni en ekkert mark var skorað í fyrri hálfleik.
Palace komst yfir eftir klukkutíma en varnarmaðurinn Trevoh Chalobah skoraði þá í nánast autt mark.
Wolves sneri leiknum sér í vil og komst í 2-1 forystu og var í raun mun sterkari eftir opnunarmarkið.
Annar varnarmaður Palace, Marc Guehi, jafnaði hins vegar metin fyrir Palace stuttu eftir seinna mark Wolves og tryggði 2-2 jafntefli.
Chalobah og Guehi eru báðir fyrrum Chelsea menn og reyndust hetjur gestaliðsins í kvöld.
