Ruben Amorim verður undir engri pressu er hann tekur við störfum hjá Manchester United þann 11. nóvember.

Þetta segir Jamie Carragher, fyrrum leikmaður Liverpool, en hann telur að Amorim fái mikinn tíma til að koma sinni hugmyndafræði til skila í Manchester.

Amorim tekur við af Erik ten Hag sem var við stjórnvölin í um tvö ár en gengið batnaði lítið sem ekkert undir hans stjórn.

Carragher telur þó að Amorim hafi aðeins 18 mánuði til að skila titlum og árangri á Old Trafford – eitthvað sem mörgum hefur mistekist í gegnum tíðina.

,,Stuðningsmönnunum mun án efa líða vel til að byrja með. Allir nýir stjórar Manchester United fá góðar móttökur, ferskt loft. Það er ekki mikið sem þarf að gera til að ná árangri með þennan hóp á stuttum tíma,“ sagði Carragher.

,,Áskorunin mun koma eftir 18 mánuði – alveg eins og hún kom fyrir þá sem hafa yfirgefið Old Trafford. Þeir þurftu meiri tíma og þolinmæði til að rétta skipið við.“

,,Þá er hægt að dæma um hvort hann sé að búa til lið sem getur unnið titilinn eða Meistaradeildina.“