Trent Alexander-Arnold bakvörður Liverpool var ekki lengi að finna ástina á nýjan leik eftir að hafa slitið sambandi við Iris Law í sumar.
Iris sem er dóttir Jude Law hafði verið í sambandi við Trent um nokkurt skeið.
Trent sem er 26 ára gamall er nú byrjaður með Estelle Behnke sem er sögð vera áhrifavaldur.
Þau sáust saman úti að borða í úthverfi Manchester um helgina og spókuðu sig um í miðborg Manchester.
Parið hefur áður sést saman opinberlega en Trent bauð henni í ferðalag í Soho Farmhouse á dögunum þar sem pakkinn kostar um milljón fyrir eina nótt.
Trent er mikið í fréttum þessa dagana en svo gæti farið að hann yfirgefi Liverpool næsta sumar þegar samningur hans rennur út.
