Það voru margir hérlendis sem urði vitni að því þegar Barcelona vann ótrúlegan sigur í spænsku úrvalsdeildinni fyrr á tímabilinu.

Barcelona vann þar El Clasico gegn Real Madrid 0-4 á útivelli en mikill rígur er á milli þessara félaga.

Hinn ungi Marc Casado er að stíga sín fyrstu skref fyrir aðallið Barcelona en hann er 21 árs gamall og á að baki einn landsleik.

Casado var himinlifandi eftir þennan ákveðna leik og viðurkennir að fjölskylda hans hafi verið hágrátandi horfandi á viðureignina.

,,Þegar við unnum Real Madrid 4-0 á Bernabeu, það var besti dagur lífs míns á vellinum hingað til,“ sagði Casado.

,,Fjölskyldan sagði við mig að þau hefðu verið hágrátandi allan leikinn. Ég hata ekki Real Madrid en ég er mikill stuðningsmaður Barcelona.“