Það er draumur króatíska félagsins Dinamo Zagreb að fá til sín Luka Modric áður en hann leggur skóna á hilluna.
Um er að ræða uppeldisfélag Modric en hann yfirgaf félagið 2008 fyrir Tottenham og samdi svo við Real Madrid.
Modric er 39 ára gamall í dag og er enn á mála hjá Real en samningur hans við félagið rennur út næsta sumar.
Nenad Bjelica, stjóri Dinamo, gerir sér vonir um að Modric endi ferilinn í heimalandinu.
,,Luka Modric aftur til Dinamo? Hver myndi ekki vilja Modric í sínu liði?“ sagði Bjelica.
,,Ég vona innilega að hann endi ferilinn hjá okkar félagi.“
