Starfsfólk Manchester United er mjög hissa á því að ungstirnið James Scanlon fái ekki tækifæri með aðalliðinu.
The Daily Mail greinir frá en um er að ræða gríðarlega efnilegan strák sem varð 18 ára gamall í september.
Scanlon á að baki átta landsleiki fyrir Gíbraltar og hefur skorað eitt mark en hefur enn ekki spilað keppnisleik með aðalliði United.
Sóknarmaðurinn hefur spilað glimrandi vel með U18 liði United á tímabilinu og hefur skorað tíu mörk og lagt upp önnur fjögur.
Samkvæmt Mail hefur starfsfólk United áhyggjur af stöðu leikmannsins og að hann þurfi að fá tækifæri í hærri gæðaflokki til að þróa sinn leik enn frekar.
Scanlon er jafnvel orðinn of góður fyrir U18 liðið og varalið United og verður fróðlegt að sjá hvort nýr stjóri United, Ruben Amorim, gefi honum tækifæri.
