Það eru flestir sem eru farnir að kannast við nafnið Annie Kilner en hún hefur verið í mörgum fjölmiðlum undanfarna mánuði.

Um er að ræða eiginkonu Kyle Walker en þau eru nú að skilja eftir að leikmaðurinn hélt framhjá í annað sinn.

Walker hefur tvívegis haldið framhjá Kilner með konu að nafni Lauryn Goodman og eiga þau saman tvö börn.

Kilner ákvað fyrr á árinu að sparka eiginmanni sínum út og hefur farið fram á skilnað.

Samkvæmt miðlinum Closer er Annie hins vegar dauðhrædd við þá staðreynd að Walker byrji í sambandi með Goodman eftir skilnaðinn.

Annie óttast það að Walker leiti beint til Goodman eftir að skilnaðurinn gengur í gegn – eitthvað sem gæti haft áhrif á hana og líf fjölskyldunnar.

Fyrir utan það að hafa eignast tvö börn með Goodman þá á hann fjögur börn með Annie en þau hafa verið í sambandi í um 14 ár.