Joao Palhinha þekkir hinn umtalaða Ruben Amorim vel en sá síðarnefndi er að taka við Manchester United.
Amorim hefur gert samning við United til 2027 en hann tekur við þann 11. nóvember næstkomandi.
Amorim heur gert flotta hluti með Sporting í Portúgal undanfarin ár og þjálfaði þar Palhinha sem leikur með Bayern Munchen í dag.
Palhinha viðurkennir að Amorim sé að taka stórt skref upp á við á ferlinum en enska deildin er mun erfiðari en sú portúgalska.
,,Ég óska honum alls hins besta. Þetta er risastórt skref fyrir hann og hann á það skilið,“ sagði Palhinha.
,,Sem fyrrum liðsfélagi og vinur hans þá vil ég að hann nái árangri hjá nýju félagi.“
