Mina Bonino, eiginkona Federico Valverde er afar ósátt með Carlo Ancelotti stjóra Real Madrid og lét hann heyra það á X-inu í gær.
Valverde var tekin af velli í hálfleik í tapi Real Madrid gegn AC Milan í Meistaradeildinni.
„Það er betra að ég þegi því ananrs setja þau mig í fangelsi,“ sagði Bonino á meðan leik stóð.
Hún ákvað svo að fara að svara fólki og vill meina að Ancelotti sé að spila eiginmanni sínum í vitlausri stöðu.
„Fede er bestur sem varnarsinnaður miðjumaður, um hvað eru þið að tala? Hvenær ætlar fólk að skilja að hann er ekki kantmaður.“
Nokkru síðar sagðist Bonino hafa verið hökkuð á X-inu en það kaupa það fáir.
