Willum Þór Willumsson er svo sannarlega að vinna stuðningsmenn Birmingham á sitt band eftir komu í sumar.
Willum hefur verið einn besti ef ekki besti leikmaður Birmingham í vetur og reyndist hetja liðsins í dag.
Birmingham vann 1-0 sigur á Sutton í enska bikarnum og er komið áfram í næstu umferð.
Willum spilaði allan leikinn í 1-0 útisigri en hann kom boltanum í netið á 34. mínútu í fyrri hálfleik.
Alfons Sampsted sneri aftur í lið Birmingham en hann kom inná er 11 mínútur voru eftir.
