„Ég er mjög spenntur fyrir þessu,“ segir Jurgen Klopp sem hefur verið ráðinn yfirþjálfari yfir öllum félögum sem Red Bull á, má þar nefna RB Leipzig, Red Bull Salzburg og New York Red Bulls.
Tíðindin koma nokkuð á óvart en Klopp sagði upp starfi sínu hjá Liverpool og ætlaði sér í frí. Hann ítrekar það í færslu sinni að hann ætli sér ekki að þjálfa strax.
Klopp hefur störf 1. janúar en þýskir miðlar segja að klásúla sé í samningi hans við Red Bull. Má hann taka við þýska landsliðinu ef slíkt tilboð kemur.
„Fyrir nokkrum mánuðum sagði ég að ég sæi það ekki fyrir mér að vera á hliðarlínunni en ég elska fótbolta,“ segir Klopp.
Hann segist elska fótbolta og þetta sé gott tækifæri fyrir hann að læra. „Ég vil nýta reynsluna mína, það hafa þjálfarar náð meiri árangri. Ég hef komið liði upp, ég hef verið í fallbaráttu, ég hef barist um titla. Stundum hefur það gengið og stundum ekki.
„Ég vil læra meira, þegar þú ert þjálfari með leik á þriggja daga fresti þá er það lítið. Ég er mjög spenntur en núna fer ég aftur í sumarfrí.“
Jurgen Klopp on his Insta account. 📲🆕 pic.twitter.com/NLORGAC2MV
— Fabrizio Romano (@FabrizioRomano) October 9, 2024
