Luisa Kremleva sem er þekkt fyrirsæta á Instagram þarf að mæta fyrir dóm í næstu vikum, er hún sökuð um að hafa ranglega sakað Theo Hernandez varnarmann AC Milan um nauðgun.
Kremleva kærði Theo fyrir nauðgun árið 2017 en meint atvik átti að hafa átt sér stað fyrir utan næturklúbb á Spáni.
„Ég er með sönnun fyrir þessu á bakinu og hnjánum á mér. Ég myndi vilja fá afsökunarbeiðni frá Theo, það er það minnsta sem ég á skilið,“ sagði Kremleva.
Hún sagði að Hernandez hefði hent sér út úr bílnum eftir að hann hefði nauðgað henni, þess vegna væri hún með sér á hnjám.
Theo var aldrei handtekinn vegna málsins en hann játaði því að hafa stundað kynlíf með Kremleva í Porsche bifreið sinni fyrir utan næturklúbbinn.
Málið fór fyrir dóm og dómari málsins sagði enga sönnun fyrir því að Theo hefði nauðgað henni. Að auki sást á myndavélum að Kremleva hafði dottið fyrir utan næturklúbbinn og þar fengið sár á hné.
Í dómnum kom fram að konan hefði beðið Theo um að fara heim með sér eftir kynlífð í bílnum en hann hafði ekki haft áhuga á því.
Dómurinn komst að þeirri niðurstöðu að Kremleva hefði ranglega sakað Theo um nauðgun og nú er hún sótt til saka fyrir það.
Málið verður tekið fyrir í lok október í Malaga en Kremleva þarf að mæta þar fyrir rétt og svara til saka. Krefst saksóknari þess að hún verði dæmd í tveggja ára fangelsi og greiði 2 milljónir í skaðabætur
