Juventus er búið að opna samtalið um að rifta samningi Paul Pogba við félagið nú þegar hann getur komið sér aftur út á völlinn.

Alþjóðlegur dómstóll stytti bann Pogba frá leiknum talsvert, í stað þess að vera í fjögurra ára banni tekur Pogba út 18 mánaða bann.

Pogba féll á lyfjaprófi á síðustu leiktíð en þessi 31 árs gamli miðjumaður má byrja að æfa fótbolta í janúar og spila svo í mars.

Forráðamenn Juventus vilja hins vegar ekki halda Pogba og ræða við hann um riftun á samningi.

Pogba er sagður taka vel í það en ljóst er að ítalska félagið mun þurfa að borga honum eitthvað út við riftun samnings.