Daniele De Rossi fyrrum knattspyrnumaður á fleiri milljarða eftir magnaðan feril sinn en hann var rekinn úr starfi á dögunum.

De Rossi var þjálfari Roma þar sem hann átti magnaðan feril en hann var rekinn úr starfi á dögunum.

Til að sleikja sárin fór De Rossi í ferðalag til Íslands ásamt eiginkonu sinni Sarah Felberbaum.

De Rossi og frú fóru að því er virðist víða um land en De Rossi leigði sér meðal annars glæsilegan Toyota Land Crusier bifreið sem hann keyrði um landið.

De Rossi og frú eyddu nokkrum dögum hér á landi eftir að hann var rekinn úr starfi.

Parið birtir myndir af sér að kyssast við góðan foss og svo virðast þau hafa skellt sér í Jökulsárlón auk þess að skoða fræga flugvél sem margir túristar heimsækja.

Parið virðist hafa gist á Retreat hótelinu við Bláa lónið en um er að ræða líklega glæsilegasta hótel landsins.

Nóttin kostar aldrei undir 200 þúsund krónur miðað við skoðun blaðamanns en þá er um að ræða ódýrasta herbergið, það verður að teljast líklegt að De Rossi hafi splæst í eitt af betri herbergjum hótelsins.