Fyrir 18 árum síðan borgaði Wayne Rooney fyrrum fyrirliði Manchester United 25 milljónir á góðgerðarkvöldi. Fyrir peninginn átti Rooney að fá að skemmta sér með P. Diddy í eina kvöldstund.
Rooney átti að mæta til New York til að skemmta sér með Diddy sem hefur nú verið afhjúpaður sem algjör hrotti.
Diddi var þekktur fyrir að halda villt og tryllt partý sem voru vinsæl hjá stjörnunum. Rapparinn er sem stendur í gæsluvarðhaldi sakaður um að kynferðisbrot, mansal og kynlífsþrælkun. Hingað til hafa fjöldi kvenna stigið fram og sakað hann um brot gegn sér en Diddy er eins sagður hafa þvingað konur og kynlífsverkafólk til að taka þátt í kynsvalli sem hann hélt fyrir nafntogaða einstaklinga. Hann tók svo myndbönd af orgíunum og jafnvel notað til að kúga fólk.
Meðal annars halda saksóknarar því fram að hann hafi gengið svo nærri kynlífsverkafólkinu og gestum í kynsvallinu að fólk þurfti að fá næringu í æð eftir fíkniefnaneyslu, vökvatap og örmögnun.
Rooney yfirbauð ýmsa aðila og greiddi 150 þúsund pund. Rooney mætti hins vegar aldrei í gleðskapinn með Diddy. „Þetta verður stanslaust partý með fullt af fallegum konum,“ sagði Diddy eftir að Rooney reif fram veskið.
Diddy var seinna spurður hvort Rooney hefði mætt. „Nei, eiginkonan hans bannaði honum það. Ég er ekki að grínast, ég skil ekki af hverju,“ sagði Diddy.
Myndband af þessu.
Wayne Rooney won a £150,000 auction for a night out with P Diddy???😭😭😭 pic.twitter.com/wdqFm8NlaV
— george (@StokeyyG2) October 2, 2024
