Júlíus Mar Júlíusson verður leikmaður KR á næstu dögum, ýmislegt hefur verið sagt um verðmiðann á kappanum en samkvæmt heimildum 433.is greiðir KR 8,5 milljón fyrir varnarmanninn frá Fjölni.
Júlíus verður þar með einn dýrasti leikmaður í sögunni sem fer á milli íslenskra liða, vitað er að Breiðablik greiddi meira fyrir Patrik Johannesen frá Keflavík fyrir tveimur árum.
Auk þess fær Fjölnir væna summu ef KR selur Júlíus erlendis, þannig herma heimildir 433.is að Fjölnir fengi meirihlutann af upphæðinni ef Júlíus yrði seldur strax á næsta ári.
Eftir það fær Fjölnir rúmlega 30 prósent af næstu sölu ef KR selur hinn öfluga Júlíus til liða erlendis. Fleiri lið vildu sækja Júlíus en hann valdi KR að lokum eftir að hafa farið í viðræður hið minnsta fjögur lið.
Júlíus er tíundi leikmaðurinn sem Óskar Hrafn Þorvaldsson fær til félagsins en fjórir af þeim hafa verið keyptir. Júlíus, Ástbjörn Þórðarson, Guðmundur Andri Tryggvason og Gyrðir Hrafn Guðbrandsson hafa allir verið keyptir til FH á síðustu vikum. Ljóst er að KR hefur reitt fram væna summu fyrir þessa fjóra leikmenn.
Ljóst er að KR er að blása í herlúðra eftir að hafa barist við falldrauginn í sumar og vill félagið komast strax aftur í fremstu röð á næsta ári.
Leikmenn sem Óskar Hrafn hefur fengið til KR:
Júlíus Mar Júlíusson
Jakob Gunnar Sigurðsson
Ástbjörn Þórðarson
Guðmundur Andri Tryggvason
Gyrðir Hrafn Guðbrandsson
Alexander Helgi Sigurðarson
Hjalti Sigurðsson
Matthias Præst
Gabríel Hrannar Eyjólfsson
Óliver Dagur Thorlacius
