Hinn ástsæli íþróttafréttamaður, Hörður Magnússon er ekki hrifin af því hvernig Age Hareide, landsliðsþjálfari Íslands, talar um Hákon Rafn Valdimarsson markvörð Brentford og landsliðsins.

Í annað sinn á mánuði fór Hareide í gær að ræða um það að staða Hákons í landsliðinu væri í óvissu, ástæðan er það hversu lítið hann spilar með félagsliði sínu.

„Ég er ekki sáttur með stöðuna. Hann spilaði gegn Leyton Orient og var í boltanum en það reyndi lítið á hann, Elías spilar reglulega í Danmörku og Patrik með Kortrijk í Belgíu eru. Við verðum að bíða og sjá,“ sagði Hareide meðal annars.

Þetta finnst Herði ekki rétt nálgun. „Stórfurðuleg nálgun enn og aftur hjá norska landsliðsþjálfaranum varðandi Hákon. Hákon var einn eftirsóttasti markmaður Evrópu þegar hann fór frá Elfsborg . Hann hafnaði m.a. FC Kaupmannahöfn og Aston Villa. Gæti orðið aðalmarkvörður Brentford á næstu misserum,“ skrifar Hörður í færslu á Facebook.

Hann telur að stærri vandamál séu fyrir framan Hareide en að pæla í stöðu Hákonar. „Held að það séu stærri álitamál varðandi val á leikmönnum eða sæti í byrjunarliði. Risaeðlu hugsunarháttur,“ segir Hörður.

Hörður segir að staða Hákons sé í góðu lagi. „Hann hefur spilað 2 leiki fyrir Brentford og síðan 2 landsleiki. Skil ekki vandamálið . Markmanns staðan er sérstök eins og við vitum . Getur aðeins einn verið í marki. Hvort er betra að vera með markmann númer 2 í úrvalsdeildarliði eða nr 1 í Skandinavíu . Það labbar enginn Íslendingur í byrjunarlið í ensku úrvalsdeildinni,“ segir Hörður.