Margir stuðningsmenn Arsenal eru að naga sig í handabökin eftir að hafa misst hinn efnilega Chido Obi-Martin í sumar.
Obi-Martin er 16 ára gamall en hann er gríðarlega efnilegur og vakti fyrst athygli með unglingaliðum Arsenal.
Arsenal náði ekki að semja við Obi-Martin um nýjan samning og skrifaði hann undir hjá United í sumar.
Sóknarmaðurinn byrjar svo sannarlega vel en hann skoraði þrennu á 14 mínútum um helgina í leik gegn Nottingham Forest.
Um var að ræða leik með U18 liði United en eftir 14 mínútur var Obi-Martin búinn að skora þrjú mörk.
Þetta var fyrsti leikur Obi-Martin fyrir U18 liðið og má svo sannarlega segja að hann hafi byrjað með látum.