Vilhjálmur Alvar Þórarinsson mun dæma stórleikinn á sunnudaginn sem fer fram á Víkingsvellinum.
Um er að ræða leik í Bestu deild karla en Breiðablik heimsækir Víking í leik sem skiptir öllu máli.
Bæði lið eiga möguleika á að sigra titilinn fyrir viðureignina en jafntefli mun að öllum líkindum duga Víkingum.
Birkir Sigurðarson og Gylfi Már Sigurðsson verða aðstoðarmenn Vilhjálms á vellinum og þá er Jóhann Gunnar Guðmundsson eftirlitsdómari.
Víkingur og Breiðablik eru með 59 stig fyrir viðureignina en Víkingar eru með mun betri markatölu.
