Manchester United mistókst að leggja Fenerbache af velli í Evrópudeildinni í kvöld þrátt fyrir að hafa komist yfir.
United komst yfir í fyrri hálfleik með góðu marki frá Christian Eriksen en heimamenn í Fenerbache jöfnuðu í þeim síðari.
Leikurinn var jafn í síðari hálfleik en hvorugu liðinu tókst að sækja sigurmarkið. United hefur gert jafntefli í fyrstu þremur leikjunum á þessu tímabili í Evrópudeildinni og hefur liðið ekki unnið í tólf mánuði í Evrópu undir stjórn Erik ten Hag.
Elías Rafn Ólafsson var besti maður Midtjylland í sigri á Union St.Gilloise í sömu keppni, danska liðið vann 1-0 sigur. Á sama tíma var Orri Steinn Óskarsson framherji Real Sociedad ónotaður varamaður í sigri liðsins á Maccabi Tel Aviv.
Kristian Hlynsson var ekki í hóp hjá Ajax þegar liðið vann Qarabag. Tottenham vann fínan sigur á AZ Alkmaar á heimavelli.