Josuha Zirkzee framherji Manchester United hefur ekki byrjað vel hjá félaginu og virðist það vera farið að ná til hans ef marka má fréttir dagsins.
Zirkzee var keyptur til United frá Bologna á Ítalíu í sumar en hollenski framherjinn hefur ekki fundið taktinn.
Á Instagram birtist myndband þar sem lítið var gert úr Zirkzee og hvernig hann staðsetur sig innan vallar.
Zirkzee setti læk við þá færslu sem bendir til þess að hann fylgist vel með umræðunni.
Á Ítalíu er fjallað um það að Juventus vilji fá Zirkzee á láni frá United í janúar en hann hafði staðið sig vel með Bologna.
