Borussia Dortmund hafnaði því að fá leikmann Chelsea í sumar en frá þessu greinir Sky Sports í Þýskalandi.
Um er að ræða bakvörðinn Ben Chilwell sem er einnig enskur landsliðsmaður en fær lítið sem ekkert að spila í dag.
Chilwell er ekki ofarlega á lista Enzo Maresca, stjóra Chelsea, og reyndi félagið að losa hann í sumarglugganum.
Dortmund var lengi að leitast að vinstri bakverði eftir sölu Tom Rothe en tók þá ákvörðun að treysta á hinn unga Almugera Kabar.
Kabar er til staðar ef það vantar í vinstri bakvörðinn og er miklu ódýrari kostur en Chilwell sem fær afskaplega vel borgað.
Chilwell mun líklega yfirgefa Chelsea í janúar en hann vonast til að spila með Englandi á HM 2026.