Richard Masters stjórnarformaður ensku úrvalsdeildarinnar fékk það óþvegið þegar hann mætti til vinnu í dag. Fundur er hjá deildinni þar sem öll félög senda sinn fulltrúa.

Málefnið sem er til umræðu er mál sem Manchester City höfðaði gegn deildinni og vann þar sigur. Málið er ótengt þeim 115 ákærum sem enska úrvalsdeildin lagði fram á City og er það mál í gangi núna.

APT reglurnar sem deildin hafði sett eru ólöglegar samkvæmt nýjum dómi sem óháður dómstóll kvað upp um. APT reglurnar eru um auglýsingar frá fyrirtækjum sem eru tengd eigendum liða í deildinni, voru tveir slíkar samningar sem City ætlaði að gera stopaðir af deildinni.

Eigendur City höfðu tengsl við fyrirtækin en hinn óháði dómstóll segir að þessar reglur ensku deildarinnar séu ólöglegar.

Deildin vill þó halda áfram að vinna í þessum reglum og stuðningsmenn City segja að deildin gangi erinda fyrir Manchester United, Arsenal, Tottenham og Liverpool í þessum efnum.

Séu þessi félög að reyna að koma í veg fyrir að City geti haldið áfram að stækka.