Kerfið hjá Stubb réð ekki við það álag sem átti sér stað þegar miðasala Víkinga á úrslitaleikinn gegn Breiðablik á sunnudag hófst.
Þetta kemur fram á miðlum Víkings. „Knattspyrnudeild Víkings harmar þá villu sem kom upp við sölu miða til ársmiðahafa á leik Víkings og Breiðablik. Miðasölufyrirtækið Stubbur, sem hefur séð um alla sölu miða á Bestu deildina fyrir félög landsins og heldur utan um ársmiða stuðningsfólks Víkings, fékk það verkefni að sjá um miðasöluna. Því miður réð kerfi fyrirtækisins ekki við verkefnið og álagið varð of mikið. Stubbur hefur nú beðist afsökunnar og eru að vinna í málinu. Miðasalan hefur verið stöðvuð þar til kerfið er komið í lag og verður ársmiðahöfum tilkynnt um það þegar hægt er að endurhefja hana,“ segir í yfirlýsingu,
Víkingur ætlaði að hefja miðasölu í hádeginu þar sem ársmiðahafar hjá Víkingi áttu að fá forgang.
@vikingurfc kemst ekki lengra en þetta. Liggur eitthvað niðri? pic.twitter.com/6tmvV4kmWD
— Daniel Örn (@danielorn95) October 22, 2024
Kerfið réð ekki við álagið og er unnið að viðgerð. „Stubbur vinnur að viðgerðum en bendir Víkingum á að halda áfram að reyna og þolinmæðin þrautir vinnur allar,“ segir á samfélagsmiðlum Víkings.
Úrslitaleikurinn fer fram á sunnudag en 2500 miðar fara í sölu en stuðningsmenn Breiðabliks fá 250 miða.