Jose Mourinho þjálfari Fenerbache vill ekki finna sér húsnæði í Istanbúl og vill frekar búa á hóteli. Þetta er ekkert nýtt fyrir stjórann.
Mourinho stýrði Manchester United í tvö og hálft ár og bjó alltaf á hóteli, hann vildi ekki búa einn í stóru húsi.
Mourinho býr nú í svítu á Four Seasons hótelinu í Istanbúl sem er við bakka Bosphorus og er í asíska hluta borgarinnar.
Nóttin kostar 180 þúsund krónur en það er Fernerbache sem borgar reikninginn fyrir stjóra sinn.
Félagið bauðst til að finna fyrir hann eitt flottasta húsið í borginni en hann afþakkaði, kona hans býr í London.
Mourinho kann varla að elda og segist sjálfur aðeins elda sér egg. Fjölmiðlar í Tyrklandi segja að Mourinho fái sér alltaf sama kvöldverðinn á hótelinu.
kjúklingasúpu, magarítu pizzu og endar svo kvöldið á ís og sódavatni.
