Sky í Þýskalandi segir að forráðamenn Bayer Leverkusen séu farnir að undirbúa sig undir það að Xabi Alonso láti af störfum næsta sumar.
FC Bayern og Liverpool höfðu áhuga á að ráða Alonso til starfa síðasta sumar en hann ákvað að vera áfram.
Sky segir nú að Manchester City og Real Madrid séu að skoða Alonso fyrir næsta sumar
Pep Guardiola gæti hætt með Manchester City og telur enska félagið að Alonso gæti hentað vel sem arftaki. Ruben Amorim er einnig á blaði hjá City.
Sky segir að Real Madrid sé einnig að skoða Alonso en hann er fyrrum leikmaður félagsins.
Carlo Ancelotti er með samning til 2026 en Real Madrid telur að Alonso gæti hentað betur til framtíðar.