„Ég fæ sím­hring­ingu einn morg­un­inn frá stjórn­ar­manni Vals þar sem mér er tjáð það að þeir ætli að segja upp samn­ingn­um mín­um,“ segir Berglind Björg Þorvaldsdóttir fyrrum framherji Vals í samtali við Morgunblaðið.

Samningi Berglindar var rift beint eftir tímabilið en málið kom Berglindi í opna skjöldu. Ákvæðið var í samningi Berglindar og vildi stjórn Vals virkja það.

Berglind sem eignaðist sitt fyrsta barn undir lok síðasta árs var að koma sér af stað á nýjan leik, hún átti ágætis spretti í sumar.

Berglind segir þjálfarateymi Vals ekki hafa haft hugmynd um málið. „Ég hringdi strax í aðstoðarþjálf­ar­ann Ásgerði Stef­an­íu Bald­urs­dótt­ir og svo heyr­um við sam­an í Pétri Pét­urs­syni þjálf­ara. Þau fara svo í það að ræða við stjórn­ina og eft­ir á fæ ég svo að vita að það voru tveir karl­menn í stjórn­inni sem tóku þessa ákvörðun, án sam­ráðs við þjálf­ar­ana.“

Berglind hefur átt farsælan feril sem framherji en hún kom til Vals frá PSG í Frakklandi en auk þess var hún lengi vel í stóru hlutverki í landsliðinu.