Michael Emenalo yfirmaður deildarinnar í Sádí Arabíu hefur rætt um það hvort félög þar í landi muni reyna að fá Mohamed Salah frá Liverpool næsta sumar.
Salah var mikið orðaður við deildina fyrir rúmu ári síðan en þá neitaði Liverpool að selja Salah.
„Þetta er undir Mo komið,“ sagði Emenalo um stöðuna en Salah verður samningslaus næsta sumar.
Emenalo ræddi svo hvað gerðist þegar lið þar í landi reyndu að kaupa Salah fyrir rúmu ári síðan. „Við getum haft áhuga, en félagið sem á hann verður að hafa áhuga á að selja. Ef það er ekki þá getum við ekkert gert,“ sagði Emenalo.
„Liverpool vildi ekki selja og hvað vorum við klárir í að borga? Ég taldi Salah ekki kláran í skrefið þá því hann vildi klára eitthvað með Liverpool.“