Joan Laporta, forseti Barcelona, hefur staðfest það að hann hafi hafnað risatilboði í ungstirnið Lamine Yamal í sumar.
Allar líkur eru á að tilboðið hafi borist frá Paris Saint-Germain í Frakklandi sem eltist við leikmanninn um tíma.
Yamal er 17 ára gamall og líklega efnilegasti leikmaður heims en hann vann EM með spænska landsliðinu í sumar.
Það kemur einfaldlega ekki til greina fyrir Barcelona að selja Yamal og átti PSG í raun aldrei möguleika í sumarglugganum.
,,Við fengum boð upp á 250 milljónir evra fyrir sex mánuðum og ég svaraði neitandi,“ sagði Laporta.
,,Hann er vinsælasti leikmaður heims í dag. Hvað er verðmiðinn á honum? Það er ekki hægt að segja til um það.“