Thomas Tuchel er sterklega orðaður við starfið hjá Manchester United nú þegar framtíð Erik ten Hag er í lausu lofti.
Vitað er að forráðamenn United funduðu með Tuchel í sumar en hann kaus þá frekar að fara í frí eftir tíma sinn hjá Bayern.
Tuchel er nú aftur nefndur til sögunnar og segir í fréttum í dag að hann myndi vilja strax fara út á markaðinn og versla miðvörð.
Segir í frétt Fichajes á Spáni að Tuchel myndi vilja kaupa Ronald Araujo miðvörð Barcelona.
Araujo hefur ekkert spilað á þessu tímabili vegna meiðsla en hann tognaði alvarlega í landsleik með Úrúgvæ í sumar.
