John Arne Riise átti frábæran feril sem atvinnumaður i knattspyrnu en ferilinn stóð líklega hæst þegar hann var leikmaður Liverpool frá árinu 2001 til 2008.

Á þeim tíma var Riise mikið í sviðsljósinu og reyndi að nýta sér það eins og hann gat.

Riise var einhleypur stærstan hluta af þeim tíma sem hann var í Liverpool og í dag er fjallað um skilaboð sem hann sendi konum árið 2004 þegar hann var leikmaður Liverpool.

Þannig ákvað Risse að senda fimmtán konum sömu skilaboðin en allt þetta komst upp og var fjallað um í norskum blöðum, heimalandi Risse.

Allar konurnar sem Riise sendi á voru þekktar í Noregi, störfuðu sem fyrirsætur eða gerðu það gott í lífinu og voru í sviðsljósinu.

Skilaboðin sem Riise sendi á 15 konur á sama tíma:
Góða kvöldið… Eftir mörg samtöl við aðila tókst mér loks að grafa upp númerið þitt

Mér hefur alltaf fundist þú heillandi, sæt, kynþokkafull, með frábæra nærværu og síðast enn ekki síst spennandi og krefjandi. Vonandi getum við verið í sambandi.

Ég mun að sjálfsögðu bjóða þér í rómantískan kvöldverð fyrir tvo. Kossar, John Arne Riise.

Konurnar sem fengu skilaboðin komust fljótt að því að fleiri hefðu fengið þau og ein af þeim var Mona Grudt sem var kjörinn ungfrú heimur. „Þetta er neyðarlegt en svarið er já, ég fékk þessi skilaboð frá Riise,“ sagði Grudt.

Marion Ravn, leikonurnar Aylar Lie og Anette Young, og fyrirsætan Kathrine Sorland voru einnig í hópi þeirra sem fengu skilaboðin.

Risse játaði að hafa gert þetta. „Ég var heimskur og hef bara hlegið af þessu, ég var líklega of mikið að daðra en ég fékk bara jákvæð viðbrögð,“ sagði Riise.

Riise er í dag giftur en hann og Louise Angelica gengu í það heilaga árið 2014 þegar hann var leikmaður Fulham.