Birkir Heimisson skrifaði undir samning sem gildir út árið 2028 við Val í dag.

Þessi 24 ára leikmaður kemur til okkar frá Þór Akureyri.

„Birki þekkjum við vel enda lék hann með okkur á árunum 2020-2023 og er frábær leikmaður og liðsmaður. Við erum agalega glöð með að hafa fengið hann aftur til okkar,“ segir á vef Vals.

„Það er geggjað að vera búinn að skrifa aftur undir hjá Val eftir lærdómsríkt ár fyrir norðan. Ég er búinn að vera að æfa með strákunum hérna í sumar og ég þurfti ekki að hugsa mig lengi um þegar Túfa vildi fá mig. Ég þekki hann vel og veit fyrir hvað hann stendur og hvað hann vill gera með hópinn. Það er gott að vera kominn aftur,” sagði Birkir þegar hann skrifaði undir í dag.