Fabio Maresca dómari frá Ítalíu hefur verið sendur í bann í einn mánuð eftir að hafa hótað því að drepa leikmann í leik.
Maresca fékk verkefni þar sem hann dæmi leik Al-Arabi frá Katar og Kuwait SC.
Í leiknum er Maresca sakaður um að hafa hótað því að drepa Khald Al Mershed leikmann Al-Arabi.
Leikmaðurinn lét vita af þessu og hefur ítalska knattspyrnusambandið ákveðið að setja Maresca í bann.
Maresca átti að dæma leik PSV og Sporting Lisbon í Meistaradeildinni í gær en var einnig tekinn af þessum leik.
