Manchester United er loksins að klára félagaskipti undrabarnsins Chido Obi-Martin en frá þessu greinir Fabrizio Romano.
Obi-Martin er gríðarlega efnilegur strákur en hann kemur til United frá Arsenal á frjálsri sölu.
United náði samkomulagi við leikmanninn í júlí en erfiðlega gekk að semja við Arsenal um uppeldisbætur og þess háttar.
Obi-Martin er 16 ára gamall en hann hefur leikið fyrir yngri landslið Englands og Danmerkur.
Obi-Martin mun spila með akademíu United til að byrja með en mun vonast til að fá tækifæri með aðalliðinu sem fyrst.
Stuðningsmenn Arsenal voru afskaplega óánægðir þegar greint var frá skiptunum til að byrja með en þeir voru flestir mjög spenntir fyrir leikmanninum.