Fyrrum enski landsliðsmaðurinn Carl Jenkinson er kominn aftur til Englands og hefur samið í fjórðu deildinni.
Jenkinson er aðeins 32 ára gamall en hann lék með Arsenal í átta ár eða frá 2011 til ársins 2019.
Þaðan fór Jenkinson til West Ham og Birmingham á láni en gekk svo endanlega í raðir Nottingham Forest.
Hlutirnir gengu ekki upp hjá Forest og undanfarin tvö ár hefur leikmaðurinn spilað í Ástralíu.
Jenkinson hefur nú krotað undir samning við Bromley í fjórðu efstu deild Englands og mun hjálpa liðinu í vetur.
Jenkinson lék 41 deildarleik fyrir Arsenal á sínum tíma og þá einn landsleik fyrir England árið 2012.