Paul Scholes fyrrum miðjumaður Manchester United taldi fyrir tímabilið að Arsenal yrði enskur meistari en er efins í dag, hann hefur ekki verið hrifin af leik liðsins í upphafi tímabils.
Arsenal hefur unnið þrjá leiki og gert tvö jafntefli í fyrstu fimm leikjum tímabilsins.
Scholes er svekktur með taktinn. „Ég sat þarna í byrjun tímabilsins og taldi að Arsenal myndi vinna deildina, ég hef verið svekktur með byrjun tímabilsins,“ sagði Scholes um málið á Sky Sports.
„Sóknarleikur Arsenal hefur verið slakur, þú horfir á mörkin sem liðið skoraði í fyrra og allir voru að ræða um að liðið ætti að kaupa framherja. Líklega var það rétt mat.“
„Eftir þessa leiki finnst mér eins og Arsenal sé í vandræðum, þeir eru ekki að smella saman.“
Arsenal hefur hins vegar spilað þrjá erfiða útileiki í byrjun tímabils og náð í sjö stig gegn þeim en liðið hefur heimsótt Aston Villa, Manchester City og Tottenham.