Nike hefur gefið frá sér yfirlýsingu vegna þess að Mason Greenwood hefur undanfarið verið að spila í skóm frá fyrirtækinu.
Nike vill ítreka að Greenwood er ekki á samningi hjá Nike og þarf því sjálfur að greiða fyrir skóna sína.
Nike rifti samningi við Greenwood árið 2022 þegar hann var handtekinn og grunaður um gróft ofbeldi í nánu sambandi, hann var þá leikmaður Manchester United.
Málið var fellt niður hjá lögreglu í byrjun árs árið 2023. „Mason Greenwood er ekki Nike íþróttamaður,“ segir í yfirlýsingu Nike.
Greenwood var seldur frá Manchester United til Marseille í sumar en hann hefur farið af stað með látum þar og spilað frábærlega.