Víkingar þurftu ekki að hafa neitt sérstaklega mikið fyrir því að vinna góðan 3-0 sigur á FH í efri hluta Bestu deildar karla í kvöld.
Helgi Guðjónsson kom inn í byrjunarlið FH og þakkaði traustið með báðum mörkum leiksins.
Helgi skoraði fyrra mark sitt eftir þrettán mínútna leik og það seinna kom eftir 73 mínútur. Viktor Örlygur Andrason skoraði svo glæsilegt mark úr aukaspyrnu þegar lítið var eftir af leiknum.
Með sigrinum fer Víkingur aftur í toppsætið sem Breiðablik tók af þeim á mánudag með sigri á ÍA.
Víkingur er með 52 stig líkt og Breiðablik en Víkingur er með talsvert betri markatölu Víkingur heimsækir Val í næstu umferð á meðan Breiðablik heimsækir FH.