Erling Haaland er ekki með Manchester City gegn Watford í kvöld en ástæðan er mjög skiljanleg.

Haaland þarf ekki aðeins á smá hvíld að halda heldur er hann á leið í jarðarför Ivar Eggja sem lést á dögunum en sú jarðarför fer fram í heimalandi hans, Noregi.

Eggja var mikill vinur fjölskyldu Haaland og hjálpaði leikmanninum mikið en hann verður jarðsettur í vikunni.

Haaland hefur byrjað tímabilið stórkostlega með City og skoraði í 2-2 jafntefli gegn Arsenal um helgina.

City fær nokkuð þægilegan heimaleik í deildabikarnum í kvöld og ætti að spjara sig án Haaland að þessu sinni.